Ramayanam – 88 : Lord Rama gets to know Lava Kusha are his sons
రాముడు లవకుశులపై బాణం ఎక్కుపెడుతూ ఉండగా, సీతాదేవి అక్కడికి పరిగెత్తుకుంటూ వస్తుంది. ఆమెను చూడగానే రాముడు ఆనందాశ్చర్యాలకు లోనవుతాడు. సీతాదేవిని ఎంతోకాలం తరువాత చూసిన ఆయన తన కళ్లను తానే నమ్మలేకపోతాడు. సీతా .. సీతా అని పిలవాలనుకుంటాడు, కానీ ఆయన గొంతు మూగబోతుంది. అలా ఆమెను చూస్తూ ఉన్న చోటునే నిలబడిపోతాడు. అయోధ్యలో రాజభోగాలతో తులతూగవలసిన సీతాదేవిని అలా చూసిన ఆయన కదిలిపోతాడు.
మహా ఇల్లాలికి ఇంతటి పరీక్ష పెట్టినందుకు తనలో తాను కుమిలిపోతాడు. నిండు గర్భవతిని అడవులకు పంపించి ఎంతో ఆవేదనకి లోనైన ఆయన, ఆమెను చూస్తానని మళ్లీ అనుకోలేదు. సీతాదేవి ఎక్కడ ఉందో, ఏమైపోయిందోనని నిరంతరం దుఃఖించిన ఆయన, ఆమె ఎదురుగా నిలవడంతో తనని తాను మరిచిపోతాడు. సీతాదేవి కూడా రాముడిని అలా చూస్తుండి పోతుంది. కన్నీళ్లతో ఆమె చూపు మసకబారుతుంది. ఆ దివ్యమంగళ మూర్తికి అప్రయత్నంగానే నమస్కరిస్తుంది. ఆమె కళ్లు ఆనంద భాష్పాలను వర్షిస్తూ ఉంటాయి.
ఎప్పుడో రాముడిని వదిలి అడవులకు వచ్చిన సీతాదేవి, అప్పటి నుంచి రాముడి రూపాన్ని మనసులో నింపుకుని, ఆయన ధ్యానంలోనే గడుపుతూ ఉంటుంది. మళ్లీ తాను రాముడిని చూడగలుగుతానో లేదోనని అనుకుంటుంది. అలాంటి రాముడు మళ్లీ ఇంతకాలానికి తనకి ఎదురయ్యాడు. ఆయనను అలా చూడాగానే పరిగెత్తుకు వెళ్లి ఆయన పాదాలపై వాలిపోవాలని అనుకుంటుంది. కానీ రాముడి ఆదేశం గుర్తుకు వచ్చి అతి కష్టం మీద ఆగిపోతుంది.
అశ్వమేధయాగానికి సంబంధించిన అశ్వాన్ని బంధించినందుకు, రామలక్ష్మణులతో యుద్ధానికి సిద్ధపడినందుకు లవకుశులపై సీతాదేవి కోప్పడుతుంది. వాళ్ల ధోరణి పట్ల తీవ్రమైన అసహనాన్ని వ్యక్తం చేస్తుంది. అప్పుడు ఆ పిల్లలు తమ బిడ్డలేననే విషయం రాముడికి అర్థమవుతుంది. ఆయన మనసు అనిర్వచనీయమైన ఆనందానుభూతులకు లోనవుతుంది. సీతాదేవి లవకుశలను మందలించడంతో తమని మన్నించమని కోరతారు.
ఈ రోజు రాశి ఫలాలు – Today Horoscope in Telugu
ఈ రోజు పంచాంగం వివరాలు – Today Panchangam in Telugu
ఈ వారం రాశి ఫలాలు – Weekly Horoscope in Telugu
ఈ సంవత్సరం రాశి ఫలాలు – Yearly Horoscope in Telugu
గమనిక: ధర్మాన్ని ఆచరించి చూపడం కోసం రాముడు అనుసరించిన మార్గమే “రామాయణం”. ఆ రామాయణంని ఎంతోమంది కవులు,రచయితలు తిరిగి తమదైన శైలిలో ఆవిష్కరించారు. వాటిల్లో మేము విన్న .. చదివినవి కొన్ని ఏర్చి కూర్చి, సరళమైన భాషలో అందించడానికి చిరు ప్రయత్నం చేస్తున్నాం. ఇది ఏ రకంగాను ప్రామాణికం కాదు..పూర్తి కథనమూ కాదు. కేవలం పరిచయం మాత్రమే అని మనవి చేస్తున్నాము.
Ramayanam – 88 : Lord Rama gets to know Lava Kusha are his sons
Check our Telugu Calendar App on Android or iPhone by clicking below links. Our calendar app contains daily panchangam (today panchangam in telugu), horoscope, festivals and spiritual content. మా తెలుగు కేలండర్ ఆప్ ను ఆండ్రాయిడ్ లేదా ఐఫోన్ లో ఇన్స్టాల్ చేసుకొని పంచాంగం, రాశి ఫలాలు, పండుగలు మరియు ఆధ్యాత్మిక వివరాలను తెలుసుకోగలరు.