Ramayanam – 84 : Lakshmana tries to convince Lava Kusha
అశ్వమేధయాగంలో నిమగ్నమై ఉన్న రాముడి దగ్గరికి ఒక సైనికుడు వస్తాడు. మునికుమారులు యాగాశ్వాన్ని బంధించడం .. వాళ్లతో శతృఘ్నుడి యుద్ధం .. ఆయన పరాజితుడు కావడం గురించి చెబుతాడు. రాముడు ఆలోచనలో పడతాడు, మునికుమారుల చేతిలో తన సోదరుడు ఓడిపోవడాన్ని ఆయన నమ్మలేకపోతాడు. మునికుమారులలో అంతటి శౌర్యం ఎలా సాధ్యం అంటూ ఆశ్చర్యపోతాడు.
యాగాశ్వాన్ని బంధించడం, తన సోదరుడిని ఎదిరించడం మునికుమారులు చేసిన తప్పుగా ఆయన భావిస్తాడు. వెంటనే సైన్యంతో వెళ్లి, యాగాశ్వాన్ని విడిపించమని లక్ష్మణుడిని ఆదేశిస్తాడు. అన్నగారు ఆజ్ఞాపించడమే ఆలస్యం లక్ష్మణుడు తన రథంపై బయల్దేరతాడు. ఆయన కూడా దారి పొడవునా ఆ మునికుమారుల గురించే ఆలోచన చేస్తూ ఉంటాడు. ఆశ్రమవాసులు అంతటి ధైర్యసాహాసాలను చూపడం చిత్రమేనని అనుకుంటాడు.
అలా ఆయన తన సైన్యంతో యాగాశ్వాన్ని బంధించిన ప్రదేశానికి చేరుకుంటాడు. యాగాశ్వం అక్కడి చెట్టుకు కట్టేసి ఉంటుంది. ఆ అశ్వాన్ని విడిపించడానికి లక్ష్మణుడు వెళ్లగానే లవకుశులు వచ్చి అడ్డుకుంటారు. శత్రుఘ్నుడిని ఓడించింది వారేనని తెలిసి లక్ష్మణుడు ఆశ్చర్యపోతాడు. చిన్నవయసులోనే వాళ్లలో కనిపిస్తున్న ఆత్మవిశ్వాసం చూసి ముచ్చటపడతాడు. వీరత్వానికి, ధీరత్వానికి ప్రతీకలుగా కనిపిస్తున్న ఇద్దరినీ తదేకంగా చూస్తాడు.
రాముడు అశ్వమేథయాగం చేస్తున్నాడనీ, ఆ యాగానికి సంబంధించినదే ఆ అశ్వమని చెబుతాడు. యాగాశ్వాన్ని బంధించకూడదనీ, అలా బంధించినవారు యుద్ధం చేయవలసి ఉంటుందని అంటాడు. తాను రాముడి సోదరుడినైన లక్ష్మణుడినని చెబుతాడు. తన పరాక్రమాన్ని చూపకముందే యాగాశ్వన్ని అప్పగించమని అంటాడు. ఆ పరాక్రమమేదో చూపించే తీసుకెళ్లమని లవకుశులు సమాధానమిస్తారు. దాంతో లక్ష్మణుడు ఆగ్రహావేశాలకు లోనవుతాడు.
ఈ రోజు రాశి ఫలాలు – Today Horoscope in Telugu
ఈ రోజు పంచాంగం వివరాలు – Today Panchangam in Telugu
ఈ వారం రాశి ఫలాలు – Weekly Horoscope in Telugu
ఈ సంవత్సరం రాశి ఫలాలు – Yearly Horoscope in Telugu
గమనిక: ధర్మాన్ని ఆచరించి చూపడం కోసం రాముడు అనుసరించిన మార్గమే “రామాయణం”. ఆ రామాయణంని ఎంతోమంది కవులు,రచయితలు తిరిగి తమదైన శైలిలో ఆవిష్కరించారు. వాటిల్లో మేము విన్న .. చదివినవి కొన్ని ఏర్చి కూర్చి, సరళమైన భాషలో అందించడానికి చిరు ప్రయత్నం చేస్తున్నాం. ఇది ఏ రకంగాను ప్రామాణికం కాదు..పూర్తి కథనమూ కాదు. కేవలం పరిచయం మాత్రమే అని మనవి చేస్తున్నాము.
Ramayanam – 84 : Lakshmana tries to convince Lava Kusha
Check our Telugu Calendar App on Android or iPhone by clicking below links. Our calendar app contains daily panchangam (today panchangam in telugu), horoscope, festivals and spiritual content. మా తెలుగు కేలండర్ ఆప్ ను ఆండ్రాయిడ్ లేదా ఐఫోన్ లో ఇన్స్టాల్ చేసుకొని పంచాంగం, రాశి ఫలాలు, పండుగలు మరియు ఆధ్యాత్మిక వివరాలను తెలుసుకోగలరు.