Ramayanam – 62 : Rama thanks Vibhishana
సీతారాములు ఒకటి కావడంతో అటు విభీషణాదులు, ఇటు వానర వీరులు ఆనందంతో పొంగిపోతారు. అందరూ కూడా యుద్ధంలో అలసిపోవడం వలన విశ్రాంతి తీసుకోమని చెప్పి విభీషణుడు అందుకు తగిన ఏర్పాట్లు చేస్తాడు. వనవాస కాలం పూర్తికావడం వలన తాము అయోధ్యకు బయల్దేరాలని రాముడు అంటాడు. కంగారుపడవలసిన పనిలేదనీ, తాను పుష్పక విమానంలో పంపిస్తానని విభీషణుడు చెబుతాడు. దాంతో రాముడికి మనసు తేలికపడుతుంది.
యుద్ధంలో తనకి సహకరించిన వానరులకు రాముడు కృతజ్ఞతలు తెలియజేస్తాడు. అయితే రాక్షస వీరుల కారణంగా చాలామంది వానరులు మరణించడం పట్ల ఆయన ఆవేదన వ్యక్తం చేస్తాడు. వాళ్లను తిరిగి బ్రతికించవలసిందిగా దేవేంద్రుడిని కోరతాడు. ఆయన అనుగ్రహం కారణంగా, యుద్ధభూమిలో ప్రాణాలు పోగొట్టుకున్న వానరులంతా బ్రతుకుతారు. దాంతో రాముడి మనసు కుదుటపడుతుంది. దేవేంద్రుడు చేసిన సాయానికిగాను ఆయనకి ధన్యవాదాలు తెలుపుతాడు.
యుద్ధభూమిలో చనిపోయిన వానరులు తిరిగి రావడం పట్ల మిగతా వానరులంతా ఆనందాన్ని వ్యక్తం చేస్తారు. అంతా కలిసి సంతోషంతో సందడి చేస్తారు. వాళ్ల కోలాహలం చూసి రామలక్ష్మణులు నవ్వుకుంటారు. సీతారామలక్ష్మణులు అయోధ్య చేరుకోవడానికి గాను, పుష్పక విమానాన్ని సిద్ధం చేయించే పనిలో విభీషణుడు ఉంటాడు. ఆ పుష్పక విమానాన్ని అందంగా అలంకరించి, ఆ విషయాన్ని వాళ్లకి తెలియజేస్తాడు. చూడ ముచ్చటగా ఉన్న ఆ విమానాన్ని వానరులంతా కూడా చూసి ఆనందాశ్చర్యాలకు లోనవుతారు.
విభీషణుడు చెంతకి వెళ్లిన రాముడు, ఆయన అందించిన సహాయ సహకారాలను గురించి ప్రస్తావిస్తాడు. ఆయన లేకపోతే రావణుడిపై విజయాన్ని సాధించడానికి మరింత కష్టపడవలసి వచ్చేదని అంటాడు. ఆయన అందించిన సహాయ సహకారాలు, చూపించిన ఆదరాభిమానాలు తమకి ఎప్పటికీ గుర్తుండిపోతాయని చెబుతాడు. సీతారామలక్ష్మణులతో పాటు విభీషణుడు, సుగ్రీవుడు, హనుమంతుడు కూడా పుష్పక విమానమెక్కుతారు. ఇతర వానరులంతా కూడా, రామ పట్టాభిషేక మహోత్సవాన్ని తిలకించాలనే ఉత్సాహంతో అయోధ్య నగరానికే బయల్దేరతారు.
ఈ రోజు రాశి ఫలాలు – Today Horoscope in Telugu
ఈ రోజు పంచాంగం వివరాలు – Today Panchangam in Telugu
ఈ వారం రాశి ఫలాలు – Weekly Horoscope in Telugu
ఈ సంవత్సరం రాశి ఫలాలు – Yearly Horoscope in Telugu
గమనిక: ధర్మాన్ని ఆచరించి చూపడం కోసం రాముడు అనుసరించిన మార్గమే “రామాయణం”. ఆ రామాయణంని ఎంతోమంది కవులు,రచయితలు తిరిగి తమదైన శైలిలో ఆవిష్కరించారు. వాటిల్లో మేము విన్న .. చదివినవి కొన్ని ఏర్చి కూర్చి, సరళమైన భాషలో అందించడానికి చిరు ప్రయత్నం చేస్తున్నాం. ఇది ఏ రకంగాను ప్రామాణికం కాదు..పూర్తి కథనమూ కాదు. కేవలం పరిచయం మాత్రమే అని మనవి చేస్తున్నాము.
Ramayanam – 62 : Rama thanks Vibhishana
Check our Telugu Calendar App on Android or iPhone by clicking below links. Our calendar app contains daily panchangam (today panchangam in telugu), horoscope, festivals and spiritual content. మా తెలుగు కేలండర్ ఆప్ ను ఆండ్రాయిడ్ లేదా ఐఫోన్ లో ఇన్స్టాల్ చేసుకొని పంచాంగం, రాశి ఫలాలు, పండుగలు మరియు ఆధ్యాత్మిక వివరాలను తెలుసుకోగలరు.