Ramayanam – 83 : Shatrughna fell unconscious
శత్రుఘ్నుడు, ఆయన సేనలు అడవులలో ముందుకు సాగుతుంటారు. కుశుడు తన సోదరుడిని రక్షించుకోవడం కోసం దగ్గర దారుల్లో పరుగు పరుగున వస్తూనే ఉంటాడు. ఒక ఎత్తయిన కొండపై నుంచి ఆయన ఆ సైనిక బలగాలను చూస్తాడు. తన బాణ ప్రయోగంతో ఆ సైనికులను నిలువరిస్తాడు. తన సైన్యాన్ని అడ్డగించినవారెవరో అర్థంకాక శత్రుఘ్నుడు అయోమయానికి లోనవుతాడు. అదే సమయంలో కుశుడు ఆయనకి ఎదురుగా వస్తాడు.
ఒక మునికుమారుడు తనని ఎదిరించి ఆశ్చర్యపరిచాడనుకుంటే, మరో మునికుమారుడు తనని అడ్డగించడం శత్రుఘ్నుడికి ఆశ్చర్యాన్ని కలిగిస్తుంది. తన సోదరుడిని, అశ్వాన్ని అప్పగించి వెళ్లమని అతనిని కుశుడు హెచ్చరిస్తాడు. అతని సోదరుడిని అప్పగించడానికి తనకు అభ్యంతరం లేదనీ, కానీ అశ్వాన్ని ఇవ్వడం మాత్రం కుదరదని శత్రుఘ్నుడు తేల్చి చెబుతాడు. సోదరుడితో పాటు అశ్వాన్ని కూడా వదలవలసిందేనని కుశుడు పట్టుపడతాడు.
ఎవరిమాటపై వాళ్లు నిలబడతారు ఇద్దరూ వెనక్కి తగ్గకపోవడంతో యుద్ధం మొదలలవుతుంది. ఒకరిపై ఒకరు బాణాలను వదులుతుంటారు. శక్తిమంతమైన బాణాలు గాల్లోకి దూసుకుపోతుంటాయి. తనని అడ్డగించిన మునికుమారుడు కూడా సామాన్య బాలకుడు కాదు అనే విషయం శతృఘ్నుడికి అర్థమైపోతుంది. ఆయన వదిలిన అస్త్రాలు వృథా అవుతుంటాయి. దాంతో ఆయనలో మరింత పట్టుదల పెరుగుతుంది.
శత్రుఘ్నుడిని ధైర్యంగా ఎదుర్కుంటూ కుశుడు తన అస్త్రాలను వదులుతూ ఉంటాడు. ఆయన వదిలిన ఒక శక్తిమంతమైన బాణంతో శత్రుఘ్నుడితో సహా, ఆయన సైన్యం అంతా స్పృహ కోల్పోతారు. దాంతో మునికుమారులంతా ఆనందంతో పొంగిపోతారు. లవుడిని స్పృహలోకి రప్పించి జరిగినదంతా చెబుతాడు. ఎలాంటి పరిస్థితుల్లోను యాగాశ్వాన్ని వదలకూడదని ఇద్దరూ నిర్ణయుంచుకుంటారు.
ఈ రోజు రాశి ఫలాలు – Today Horoscope in Telugu
ఈ రోజు పంచాంగం వివరాలు – Today Panchangam in Telugu
ఈ వారం రాశి ఫలాలు – Weekly Horoscope in Telugu
ఈ సంవత్సరం రాశి ఫలాలు – Yearly Horoscope in Telugu
గమనిక: ధర్మాన్ని ఆచరించి చూపడం కోసం రాముడు అనుసరించిన మార్గమే “రామాయణం”. ఆ రామాయణంని ఎంతోమంది కవులు,రచయితలు తిరిగి తమదైన శైలిలో ఆవిష్కరించారు. వాటిల్లో మేము విన్న .. చదివినవి కొన్ని ఏర్చి కూర్చి, సరళమైన భాషలో అందించడానికి చిరు ప్రయత్నం చేస్తున్నాం. ఇది ఏ రకంగాను ప్రామాణికం కాదు..పూర్తి కథనమూ కాదు. కేవలం పరిచయం మాత్రమే అని మనవి చేస్తున్నాము.
Ramayanam – 83 : Shatrughna fell unconscious
Check our Telugu Calendar App on Android or iPhone by clicking below links. Our calendar app contains daily panchangam (today panchangam in telugu), horoscope, festivals and spiritual content. మా తెలుగు కేలండర్ ఆప్ ను ఆండ్రాయిడ్ లేదా ఐఫోన్ లో ఇన్స్టాల్ చేసుకొని పంచాంగం, రాశి ఫలాలు, పండుగలు మరియు ఆధ్యాత్మిక వివరాలను తెలుసుకోగలరు.